Aramızda mən boyda sarhəd

(1)

Təbəssümün allahımdır oğlum
Və gözyaşların cəbrayıl tökür ovcuma
Bu peyqəmbərlərin vəhy sahrasına
Həzin-həzin ağlarsan hər gecə yorqan altda
Hardasa yağmur utanıb yerə girər!
Tom and cery silinər televiziyadan

Hər gecə Əhməd kayanın mahnılarını
Bağrına basıb yatarsan
Və hər səhər Fars kanalları dişləyər yuxularını
Gündə min dəfə ata məni atıb tutarsan
Aramızda mən boyda sarhəd varmış oğlum bağışla
Nə sən bu sərhəddi keçə bildin nə mən
Səni bayraq yondum Təbrizə bir axşam
Qaldır türk bayrağını qaldir
Təbəssümünü yay şəhərə
Təbəssümünə tutular düşmən yandırarsın
Və dostlar təbəssümünü içib keflənərlər
Təbəssümün allahımdır oğlum


(2)

Təbəssümün
Bıçaq yarasidir üzümdə
Ya türmədə yediim şallaqdır
Təbəssümün sökər şeirimi sökər
Aç sərhədlərini ay təbrizli təbəssüm
Çək qucağına bakını
Yada istanbula əmr et məni
Onsuzda,dünya məhkəmədir
Və təbəssümün sonuncu mudafiəm!


(3)

Bu qavqa nədir?
Təbəssümünü şəhid gətirirlər şəhərə
Rahat yat ay qəhrəman təbəssüm...